வார்த்தைகள் வாழட்டும்

உன் வார்த்தைகள் இன்னும்
உயிரோடுதான் இருக்கின்றன!

அவை ஈரமுள்ள இதயம் உதிர்த்தவை
என்று இன்னும் நம்புகிறேன்!


ஒரு நாள் என் நம்பிக்கை
உன்னால் சாகடிக்கப்படலாம்!
அதுவரையாவது அவை
வாழ்ந்து விட்டு போகட்டுமே!!

நீ மட்டும் மாறாமல்!

நம் காதல் வேண்டாமென
பிரிந்து விட்டாய்!

நீ பிரிந்த பின்னும் காதல்
என்னுள் பெருக்கெடுக்கிறது!

உன்னால் பட்ட காயங்கள் கூட
மாறிவிட்டன வடுக்களாய்!

நீ மட்டும் இன்னும் மாறாமல்!!

மௌனம்

காத்திருப்பு தொடர்கிறது!

கூடவே உனது மௌனமும்!!